जसिता गुरुङ्गको डान्स पोज ड्रामा फिल्म ‘ ज्याकी ' मा

आगामी बैशाख २१ गतेबाट प्रदर्शनमा आउन लागेको डान्स ड्रामा फिल्म ‘ज्याकी : आई एम ट्वान्टी वान’मा अभिनेता धिरज मगर र अभिनेत्री जसिता गुरुङ मुख्य भूमिकामा छन्, उनको चरित्रको नाम ‘रुबी’ उल्लेख छ। तर, निर्माण टिमले फर्स्टलुक भिडियो, फर्स्टलुक पोस्टर र टिजरमा धिरजलाई मात्र स्थान दिएको थियो । यी कुनैमा पनि जसिताले ठाउँ पाएकी थिइनन् । अब भने उनको क्यारेक्टर पोस्टर सार्वजनिक गरिएको छ ।

मंगलबार सार्वजनिक पोस्टरमा जसिता दुई फरक अवस्थामा चित्रित छिन् । एकातिर उनी शान्त र स्थिर भावमा देखिएकी छन् भने अर्कोतिर डान्सिङ मूडमा प्रस्तुत छिन् । पोस्टरमा उनको चरित्रको नाम ‘रुबी’ उल्लेख छ, जसको अर्थ ‘बहुमूल्य’ हुन्छ । फिल्ममा उनी नृत्यमा सौखिन पात्रको रुपमा रहेको पोस्टरले छनक दिन्छ । जसिता पछिल्लो पटक फिल्म ‘लभ स्टेशन’मा देखिएकी थिइन्